Türkiyədən gələn həkimlərin Bakıda çalışacaqları xəstəxanaların adları açıqlanıb.

DiasporPress.az-ın məlumatına görə, Ümumdünya Səhiyyə Təşkilatının (ÜST) təşəbbüsü, Heydər Əliyev Fondu, İcbari Tibbi Sığorta üzrə Dövlət Agentliyi, Tibbi Ərazi Bölmələrini İdarəetmə Birliyinin (TƏBİB) və Səhiyyə Nazirliyinin dəstəyi ilə Azərbaycanın regionlarındakı xəstəxanalarda COVID-19-a qarşı mübarizə tədbirləri ilə əlaqədar əsas bacarıqları gücləndirmək üçün REACT-C19 layihəsi ilə bağlı keçirilən tədbirdə TƏBİB-in İdarə Heyətinin sədri Ramin Bayramlı bildirib ki, xəstəxanada həkimlər eyni vaxtda çalışmağa başlayacaqlar:

“Həkimlər yeni açılışı olan “Yeni klinika” Tibb mərkəzi, Mərkəzi Neftçilər Xəstəxanası, Tibb Universitetinin Tədris Cərrahiyyə klinikası və Tədris Terapevtik Klinikasında çalışacaqlar.

Sədr qeyd edib ki, Azərbaycanın müasir infrastruktura malik tibb müəssisələri var:

“Burada gənc həkimlərin çalışması üçün hər şərait var. Xaricdə təhsil almış, eyni zamanda, rezidenturanı yüksək səviyyədə başa vurmuş həkimləri dövlət səhiyyə sisteminə inteqrasiya edəcəyik”.

DiasporPress.az