“Real TV” efirində yayımlanan “Real İntervyu” proqramında Şuşanın azad edilməsi müzakirə olunub.

Diasporpress.az xəbər verir ki, proqramda qonaq qismində iştirak edən Vətəndaş Həmrəyliyi Partiyasının sədri, Milli Məclisin deputatı, xalq şairi Sabir Rüstəmxanlı Şuşa qələbəsi münasibətilə Ali Baş Komandanı, Azərbaycan xalqını və Ordusunu təbrik edib.

Millət vəkili bildirib ki, Şuşanı görən və görməyən hər kəs Şuşaya aşiqdir: “Şuşa Azərbaycanın baş tacıdır. Bu, möhtəşəm qələbədir, hərb tariximizə yazılacaq qələbədir. Şuşasız Azərbaycan mədəniyyətini təsəvvür etmirəm”.

Diasporpress.az