Dünya

Səfirlikdən İrandan Qarabağa yanacaq və ərzaq daşınması görüntülərinə MÜNASİBƏT

“İran Azərbaycan Respublikasının işğal olunmuş əraziləri ilə heç bir quru və hava əlaqəsinə malik deyil. Yayılan saxta görüntülərlə iki ölkə arasında mövcud olan yaxşı qonşuluq əlaqələrinə kölgə salmağa çalışırlar”.

Səfirlikdən İrandan Qarabağa yanacaq və ərzaq daşınması görüntülərinə MÜNASİBƏTbackend
  • whatsapp
  • messenger
  • telegram
  • vkontakte
  • odnoklassniki

“İran Azərbaycan Respublikasının işğal olunmuş əraziləri ilə heç bir quru və hava əlaqəsinə malik deyil. Yayılan saxta görüntülərlə iki ölkə arasında mövcud olan yaxşı qonşuluq əlaqələrinə kölgə salmağa çalışırlar”.

DiasporPress.az xəbər verir ki, bu barədə İran İslam Respublikasının (İİR) Azərbaycandakı səfirliyindən mətbuatda bu ölkəyə məxsus yük avtomobillərinin işğal altındakı Azərbaycan ərazilərinə yanacaq və ərzaq daşımalarını nümayiş etdirən video ilə bağlı verilən açıqlamada qeyd olunub.

Bildirilib ki, rəsmi Tehran yayılan məlumatları təkzib edir:

“Tehran-Bakı əlaqələrinin hərtərəfli və geniş inkişafı astanasında düşmənlərimiz və əlaqələrimizin inkişafını istəməyən qüvvələr bu prosesin qarşısını almaq məqsədilə saxta video yayaraq, iki ölkə arasında mövcud olan yaxşı qonşuluq əlaqələrinə kölgə salmağa çalışırlar. Azərbaycan xalqının diqqətinə çatdırırıq ki, İran İslam Respublikası Azərbaycanın işğal olunmuş əraziləri ilə heç bir quru və hava əlaqəsinə malik deyil.

Ermənilər keçən illər ərzində də bir video və ya selfi ilə iki ölkə arasında mövcud əlaqələri korlamağa çalışıblar. Göründüyü kimi, sözügedən saxta videoda yer və zaman məlum deyil və xəbər tamamilə saxtadır. Azərbaycan KİV-lərindən gözləntimiz budur ki, hər hansı bir xəbəri yaymazdan öncə bu xəbərin doğruluğunu dəqiqləşdirsinlər və etibarlı mənbələr olmadan xəbər yaymaqdan çəkinsinlər”.

 

DiasporPress.az