Naməlum şəxslər Rusiyanın Arxangelsk şəhərində yerləşən “Zvezda Severa” (“Şimal Ulduzu”) adlı Yəhudi Mədəniyyət Mərkəzinə od vurublar.

REN TV vilayətin Fövqəladə Hallar Nazirliyinin (FHN) Mətbuat Xidmətinə istinadən xəbər verir ki, sinaqoq yanacaqdan və şinlərdən istifadə edilməklə yandırılıb.

Qeyd olunur ki, 2015-ci ildə mədəniyyət mərkəzi odlu silahlardan atəşə tutulub. Bir il sonra isə naməlum şəxslər sinaqoqa “Molotov kokteyli” atıblar.