Ukrayna Baş Prokurorluğu ölkənin keçmiş prezidenti Pyotr Poroşenkoya qarşı dövlətə xəyanət və vəzifə səlahiyyətlərindən sui-istifadə ittihamı ilə cinayət işi açıb.

Bu barədə “Ukrainskaya Pravda” Baş Prokurorluqdakı mənbəyə istinadən məlumat verib.

Cinayət işi Ali Radanın deputatı Andrey Derkaçın sabiq prezidentin gizli səs yazılarını Baş Prokurorluğa təqdim etməsindən sonra başlanıb.

İddia olunur ki, ABŞ-ın vitse-prezidenti Co Bayden, sabiq dövlət katibi Con Kerri və P.Poroşenko arasında Ukraynada yüksək vəzifəli məmurların vəzifədən kənarlaşdırılmasına dair danışıqlar aparılıb, razılıq əldə edilib.

DiasporPress.az