DiasporPress.az xəbər verir ki, Qazax İcra Hakimiyyəti və “Carçıoğlu GROUP” “Biz birlikdə güclüyük” devizi altında xeyriyyə aksiyası keçirir.

Dünyada tüğyan edən koronavirus (COVID-19) infeksiyasının Azərbaycanda geniş yayılmasının qarşısının alınması, insanların sağlamlığının qorunması ilə bağlı dövlətimiz tərəfindən təxirəsalınmaz tədbirlər həyata keçirilir. Ölkə Prezidenti İlham Əliyevin rəhbərliyi altında məqsədyönlü işlər görülür.

Respublikamızın hər yerində olduğu kimi, Qazaxda da İcra Hakimiyyəti və “Carçıoğlu GROUP” un təşkilatçəlığı ilə “Biz birlikdə güclüyük” devizi altında xeyriyyə aksiyası başlayıb.

Rayonun daim atəş altında olan, sərhəddə yerləşən Quşçu Ayrım, Məzəm, Fərəhli, Cəfərli, Bala Cəfərli kəndlərində yaşayan 516 ailəyə İcra hakimiyyəti tərəfindən, “Carçıoğlu GROUP” MMC tərəfindən isə 286 şəhid ailəsinə ərzaq yardımı olunub.

Qeyd edək ki, Qazax Rayon İcra Hakimiyyətinin başçısı Rəcəb Babaşov “Carçıoğlu GROUP” MMC-nin əməkdaşları ilə birgə ərzaq yardımı edilən kəndlərdə olub və sakinlərlə görüşüblər.

Qazax sakinləri bu xeyirxah təşəbbüsü həyata keçirən İcra Başçısı Rəcəb Babaşova və “Carçıoğlu GROUP” MMC-nin direktoru Elçin Carçıyevə təşəkkürlərini çatdırıblar.