Gürcüstanda 17 təkmandatlı dairələr üzrə parlament seçkilərinin ikinci turu noyabrın 21-də keçiriləcək.

Bununla bağlı Gürcüstan Mərkəzi Seçki Komitəsinin sədr müavini Georgi Şarabidze məlumat verib.

O bildirib ki, qərar komitənin dünən keçirilən iclasında verilib.

Qeyd edək ki, Gürcüstanda parlament seçkilərinin ilk turu oktyabrın 31-də keçirilib. Parlamentdə 150 yer üçün 48 partiya və iki siyasi blok mübarizə aparıb.

Nəticələrə əsasən, hakim “Gürcü arzusu – demokratik Gürcüstan” Partiyası 48,22% səslə qalib olub. İkinci yerdə 27,18% səslə müxalifət bloku “Güс birlikdədir” qərarlaşıb. Hakim partiya 30 təkmandatlı dairədən 13-də qələbə qazanıb.

Diasporpress.az