Əməkdar artist Zöhrə Abdullayeva ATV-də yayımlanan “7 сanlı” axşam şousunda gənc həmkarları haqqında maraqlı açıqlamalar verib.

DiasporPress.az xəbər verir ki, 67 yaşlı sənətçi gənc ifaçıların səsini bəyənsə də, onların keçirdikləri plastik əməliyyatları başlarına qaxınc edərək, sözləri ilə məsxərəyə qoyub:

“Gənc müğənnilərə baxanda səslərini bəyənirəm, amma surətləri yadımda qalmır. Hamısının burnu kəsik, dodağı silikondur. Eyni sifətdədirlər, məhz bu səbəbdən onların heç adları da yadımda qalmır”.

Qeyd edək ki, Əməkdar artist Zöhrə Abdullayeva illər öncə artıq çəkidən qurtulmaq üçün liposaksiya əməliyyatı keçirib.

DiasporPress.az