DiasporPress.az xəbər verir ki, DiasporPress informasiya mərkəzinin təşkilatçılığı, xaricdə yaşayan soydaşlarımızın dəstəyi ilə aztəminatlı ailələrə yardım göstərilib.
Yardım kampaniyası çərçivəsində Bakı şəhəri və Abşeron rayonu üzrə müəyyən olunmuş siyahı əsasında aztəminatlı ailələrə və 65 yaşdan yuxarı tənha, imkansız şəxslərə tələbata uyğun müxtəlif ərzaq məhsullarından ibarət yardım sovqatları paylanıb.

170 ailənin yardım aldığı aksiya zamanı DiasporPress informasiya mərkəzinin əməkdaşları tərəfindən onlara yeni növ koronavirus (COVID-19) pandemiyasına qarşı qorunmaları və evdə qalmaları barədə məlumat verilib.
Yardım alanlar karantin günlərində onlara göstərilən diqqət və qayğıya görə minnətdarlıqlarını bildiriblər.

Yardım kampaniyası “Belçika Azərbaycanlıları Mədəniyyət Mərkəzinin fəalları, Belçikada və Niderlandda yaşayan soydaşlarımızın o, cümlədən Kiev Azərbaycanlıları Konqresinin dəstəyi ilə baş tutub. Kampaniyaya Azərbaycan Ukrayna Beynəlxalq Alyansı, Ana vətən Niderland Qadınlar cəmiyyəti, Solikamki Azərbaycanlıları icması və Azərbaycan-Amerika Qadınlar Cəmiyyəti dəstək verib.

Qeyd edək ki, COVİD-19 pandemiyası ilə bağlı sosial təcrid müddətində yardım kampaniyasının davam etdirilməsi nəzərdə tutulur.

DiasporPress.az