Səudiyyə Ərəbistanında koronavirusa yoluxan xəstələrin müalicə olunduğu xəstəxanalarda Zəmzəm suyu paylanır.

Bu barədə ölkənin yerli xəbər agentliyi SPA məlumat yayıb.

Xəbərdə virusa yoluxmuş xəstələrin müalicə olunduğu bütün xəstəxanalara müalicə müddətində sözügedən suyun paylanacağı bildirilir.

Qeyd edək ki, İslamda Zəmzəm suyu şəfalı hesab edilir.

Səudiyyə Ərəbistanının Daxili İşlər Nazirliyi koronavirusun yayılması səbəbindən komendant saatı müddətinin uzadıldığını açıqlayıb. Ölkənin bir çox şəhərlərində səhiyyə müəssisələri, aptek və mağazalar istisna olmaqla, bütün ticarət obyektləri bağlanıb. İnsanlar yalnız məcburi ehtiyaclarını ödəmək üçün evlərini tərk edə bilərlər.

DiasporPress.az