Bakıda mağazadan oğurluq etməkdə şübhəli bilinən şəxs saxlanılıb.

DiasporPress.az xəbər verir ki, hadisə ötən gün axşam saatlarında, paytaxtın Nizami rayonu C.Naxçıvanski küçəsində yerləşən geyim mağazalarından birində olub.

Mağazanın soyunub-geyinmə otağında Yevlax rayon sakini E.Qasımovun cibindən 193 manat pulu oğurlayıb getmək istəyən şəxs vətəndaşlar tərəfindən tutulub.

Mağazadakı vətəndaşlar oğurluq etməkdə şübhəli bilinən, 1981-ci il təvəllüdlü T.Talıbzadəni saxlayaraq, ərazi üzrə Nizami Rayon Polis İdarəsinə (RPİ) təhvil veriblər.

Nizami RPİ-nin 24-cü Polis Şöbəsində faktla bağlı araşdırma aparılır.

DiasporPress.az