Türkiyənin Ağrı vilayətində azyaşlıya təcavüz edən şəxs intihar edib.

Sondakika.com xəbər verir ki, yeddi uşaq atası olan 52 yaşlı M.E. suvaq vurmaq üçün getdiyi evdə altı yaşlı qızı zorlayıb.

O, işləməyə getdiyi ikinci gün ev sahiblərindən tualetin yerini soruşub və otaqda cizgi film izləyən uşağa təcavüz edib. Azyaşlının ağladığını eşidən anası otağa girəndə M.E. çirkin əməlini ört-basdır etmək üçün uşağın yıxıldığı üçün ağladığını deyib.

Uşaq həqiqəti anasına deyəndə həmin şəxs evdən qaçıb. Dörd gün sonra o, hər iki ailənin ortaq tanışı tərəfindən “səni İran sərhədi ilə ölkədən çıxaracam” sözünə aldanaraq, polisə təslim edilib.

Ötən gecə həmin şəxs həbsxanada özünü asıb.