Ötən gecə Tacikistan-Özbəkistan sərhədində silahlı qruplaşma zastavaya hücum edib.

“RİA Novosti” xəbər verir ki, bunu Tacikistanın Milli Təhlükəsizlik Komitəsinin sərhəd qoşunları idarəsindən bildiriblər.

Hücuma paytaxt Duşanbedən 60 kilometr aralıqda yerləşən “İşkobad” sərhəd zastavası məruz qalıb.

20 maskalanmış yaraqlı hücum edərək 5 avtomata sahhib çıxıblar. Güc strukturlarının əməliyatı zamanı 15 yaraqlı öldürülüb, 5 nəfər həbs edilib.

Atşımada 1 əsgər və 1 polis işçisi həlak olub.

Hadisə yerində əməliyyat-istintaq qrupu yaradılıb.

DiasporPress.az