Azərbaycanın tanınmış kikboksçu, 8 qat Azərbaycan çempionu, sosial şəbəkələrdə böyük izləyici kütləsi olan gənc xanım idmançı Tulin Ələkbərova növbəti qələbəsini qazanıb.

Diasporpress.az İnterpress.az-a istinadən xəbər verir ki, dünən, yanvarın 26-da Tovuz şəhərində döyüş keçirilib.

Yarışda 8 qat Azərbaycan çempionu Tulin Ələkbərova 60 kq çəki dərəcəsində Gülay Hüseynova ilə üz-üzə gəlib.

3 raund baş tutan döyüşdə Tulin Ələkbərova inamla mübarizə apararaq qalib gəlib.

İdmançının məğlub olan rəqibi Gülay Hüseynova Tulinin qələbəsini göz yaşları ilə izləyib.

Qeyd edək ki, Ələkbərova Tulinin qalibiyyət sayı 9-8-1-dir.