Diasporla İş üzrə Dövlət Komitəsinin sədri Fuad Muradov Ukraynanın Azərbaycana yeni təyin olunmuş fövqəladə və səlahiyyətli səfiri Vladislav Kanevski ilə görüşüb.

Komitə sədri səfirə Azərbaycan dövlətinin diaspor siyasəti, həyata keçirilən layihələr və Azərbaycan Diasporuna Dəstək Fondu haqqında danışıb, iki ölkə arasında əlaqələrin möhkəmləndirilməsində icmaların rolunu qeyd edib.

Görüşdə Ukraynadakı Azərbaycan diasporu və diaspor təşkilatlarının, eyni zamanda Azərbaycandakı Ukrayna icmasının fəaliyyəti barədə geniş fikir mübadiləsi aparılıb.

V. Kanevski Ukraynada yaşayan azərbaycanlıların fəaliyyətlərini təqdir etdiyini diqqətə çatdırıb və ortaq layihələrin həyata keçirilməsi ilə bağlı təkliflərini bildirib.

DiasporPress.az