ABŞ Prezidenti Donald Tramp seçki kampaniyasında əfv etdiyi hərbi cinayətkarlardan istifadə etmək niyyətindədir.

TASS xəbər verir ki, Tramp ittiham olunduqları hərbi cinayətlərdən bəraət almış hərbi qulluqçuların seçki kampaniyasında xüsusi qonaq qismində iştirak edə biləcəyini düşünür.

Məlumata görə, Tramp əfv olunmaları hətta onun ən yaxın tərəfdarları tərəfindən belə birmənalı qarşılanmayan şəxsləri – Klint Lorans, Metyu Qolstin və Edvard Qallaqeri öz kampaniyasında görmək istəyib.

Xatırladaq ki, ABŞ-da prezident seçkiləri 2020-ci ilin noyabrın 3-nə nəzərdə tutulub.

DiasporPress.az