Roma-katolik kilsəsinin “İsa Məsihin legionerləri” ruhani ordeni 78 il ərzində 175 uşağın zorlanması faktını təsdiq edib. Ordenin rəsmi saytında bu barədə aparılan araşdırmanın nəticələri verilib.

Zorlanan uşaqların əksəriyyəti 11-16 yaş arası oğlanlardı, onlar ordenin seminariyalarında təhsil alıblar.

Ordenin başçısı Marsial Masiel başda olmaqla 33 keşişin günahı təasdiq edilib. Buna baxmayaraq onların bir çoxu azadlıqdadır.

Ruhani orden 1941-ci ildə Meksikada yaradılıb. Dünyanın 21 ölkəsində onun nümayəndəlikləri fəaliyyət göstərir.

2006-cı ildə Roma papası XVI Benedikt ordenin rəhbəri Marsial Masieli vəzifəsindən azad edib və qalan ömrünü günahlarını yumaq üçün dua etməklə keçirməyi tövsiyə edib. 2008-ci ildə Masiel dünyasını dəyişib.

DiasporPress.az