Bakı Dövlət Universitetinin əməkdaşlarının “Bakı Dövlət Universitetinin 100 illiyi (1919-2019) Azərbaycan Respublikasının yubiley medalı” ilə təltif edilməsi barədə Təhsil naziri Ceyhun Bayramov əmr imzalayıb.

DiasporPress.az xəbər verir ki, əmrə əsasən elm və təhsilin inkişafı sahəsində yüksək nailiyyətlər əldə etdiklərinə, bu sahələrin inkişafına xüsusi töhfə verdiklərinə, Universitetin sosial-mədəni inkişafında fəal iştirak etdiklərinə görə Bakı Dövlət Universitetin əməkdaşları “Bakı Dövlət Universitetinin 100 illiyi (1919-2019) Azərbaycan Respublikasının yubiley medalı” ilə təltif olunublar.

Təltif olunanlar arasında BDU-nun Mətbuat və informasiya şöbəsinin müdir Pərvanə İbrahimova da var.

 

DiasporPress.az