Bu gün günorta radələrində Ana Vətən Partiyası sədrinin siyasi məsələlər üzrə müavini, politoloq Arzuman Abdulkərimov ailə üzvlərinin də xəsarət aldığı avtoqəza keçirib.

Diasporpress.az xəbər verir ki, o bu barədə özünün Feysbuk hesabında bildirib.

Politoloq iddia edir ki, avtoqəza ağır tonnajlı “Kamaz” avtomobilinin səhvi ucbatından baş verib. Arzuman Abdulkərimov eyni zamanda günün qəza olan vaxtı ağır tonnajlı yük avtomobillərinin şəhərdə hərəkətinin qanunsuz olduğunu “Kamazın orada nə ölümü vardı?” deyə emosional şəkildə ifadə edib.

Hal-hazırda adı çəkilən şəxsin və ailə üzvlərinin vəziyyətinin kafi olduğu bildirilir.

 

Diasporpress.az