Bütün faciələr və çətinliklər kənardan nə qədər ürək ağrıdıcı görünsə də, insan onu öz həyatında yaşamadıqca tam mahiyyətinə varmır.

Səhiyyəmizdə olan nöqsanları tez –tez dilə gətiririk, amma bu günlər mənə COVID-19 xəstəliyinin dəhşətli bir bəla olması ilə yanaşı, həkimlərimizin fədakarlığını göstərdi. Həm öz adımdan, həm də mənimlə birlikdə müalicə olunanların adından çətin dövrümüzdə həkimlərə verilən əməyin qiymətindən yanaşı, biz xəstələrin də verdiyi qiymət təşəkkür etməyim tibb işçiləri üçün çox vacibdir. Axı onlar da öz sağlamlıqlarını riskə ataraq neçə-neçə insanı yenidən öz evinin kandarından içəri girərək sevinclə ailəsinə qayıtması üçün çalışırlar. Buna görə onlara hədsiz təşəkkür edir və çəkdikləri zəhmətin uca yaradan tərəfindən verilməsini diləyirəm. Xüsusilə Gömrük Xəstəxanasının baş həkimi Elman Məmmədova və müalicə həkimim Mədinə Abdullayevaya xüsusi təşəkkürlərimi bildirirəm. Əziz həkimlər, fədakarlığınıza, imkanlarınız daxilində sərf etdiyiniz əməyə, hər gün nümayiş etdirdiyiniz qəhrəmanlığa görə sizin hər birinizə dərin minnətdarlığımı bildirirəm. Bu gün sizin simanızda biz xalqımızın cəsarət və şəfqət, məsuliyyət və insansevərlik, səmimiyyət və qarşılıqlı yardım kimi ən gözəl xüsusiyyətlərin təzahürünü görürük. Kiçik tibb işçilərindən tutmuş müalicə həkimlərinədək hər kəsə təbbəssümləri, sonsuz qayğıkeşliyi, doğmalığı ilə göstərdikləri münasibətə görə hədsiz təşəkkür edirəm. Sizin gərgin əməyiniz, fədakarcasına çalışmağınız sonsuz və unudulmaz dəyərə layiqdir. Allah sizdən razı olsun. Haqqınızı halal edin.