Bu gün 150-dən çox media qurumu və QHT rəhbəri, bloger və ictimai fəal işğaldan azad olunmuş Ağdam şəhərinə səfər edir.

Diasporpress.az-ın məlumatına görə, Prezident Adminstrasiyasının təşkilatçılığı ilə reallaşdırılan səfər heyətinə Prezidentin köməkçisi Hikmət Hacıyev rəhbərlik edir. Səfərdə məqsəd işğaldan sonra Ağdam şəhərinin vəziyyətilə tanışlıqdır.

Onlar səfər zamanı Uzundərə II Şəhidlər xiyabanında,  1991-ci ilin fevralında partladılmış avtovağzalda, Cümə məscidində, Mərkəzi meydanda, Qarabağ xanlarının abidələr kompleksində, Ağdamın “Qarabağ” futbol klubunun “İmarət” stadionunda, Çörək muzeyində, 1941-1945 abidəsi və I Şəhidlər xiyabanında, Qarağacı qəbristanlığında, Şahbulaq qalasında olacaqlar.

Daha sonra iştirakçıların Bərdə şəhərinə səfəri və Tərtər çayı üzərində su kaskadı ilə tanışlığı nəzərdə tutulur.

Diasporpress.az