Ermənistanda siyasi həbslər başlayıb.

Diasporpress.az erməni mənbələrinə istinadən xəbər verir ki, bu gün müxalif “Çiçəklənən Ermənistan” partiyasının sədri Qaqik Tsarukyan İrəvanın Azadlıq meydanından həbs edilib. Bu barədə partiyanın yetkilisi Ripsime Arakelyan məlumat yayıb.

“Millət küçəyə çıxın, elə indilərdə Azadlıq meydanından “Çiçəklənən Ermənistan” partiyasının sədri Qaqik Tsarukyanı həbs etdilər. Həmçinin partiya üzvü olan deputatlar da həbs olunub. Tez gəlin, satqın, torpaqları təslim edən adam dələduz hərəkətlərə başlayıb. Qalxın!”, – deyə o bildirib.

“Hələ başlamamış dinc mitinqə qatıldığım üçün tutuldum”. Bu sözləri isə hüquq müdafiəçisi Ruben Melikyan sosial şəbəkədə yazıb.

O daha sonra qeyd edib: “Torpağı təslim edən xain zorla hakimiyyətdə qalmağa çalışır”.