Əfqanıstanın paytaxtı Kabilin qərb hissəsində qızlar məktəbinin yaxınlığında törədilmiş silsilə partlayışlar nəticəsində ölənlərin sayı 63-ə yüksəlib, daha 150 nəfər yaralanıb.

Bu barədə “Tolo News”a hadisə qurbanlarının qohumları məlumat veriblər.

Bir müddət əvvəl Əfqanıstanın Səhiyyə Nazirliyi 55 nəfərin öldüyünü rəsmən təsdiqləmişdi. Ölənlərin və xəsarət alanların çoxu məktəbli qızlardır. Əfqanıstan Prezidenti Əşrəf Qəni hadisəni terror aktı adlandırıb və partlayışlara görə “Taliban” hərəkatını ittiham edib. Ancaq onlar bu hadisədə iştirak etmədiklərini bildiriblər.

Partlayışlara görə məsuliyyəti hələ heç bir qruplaşma üzərinə götürməyib.

Diasporpress.az