Rusiyada ölümcül 2019-nCoV koronovirusuna yoluxma ehtimalı ilə iki nəfər xəstəxanaya yerləşdirilib.

Bu barədə “Mash” telegram-kanalı xəbər yayıb.

Bildirilir ki, virusa yoluxduğu ehtimal olunan rusiyalı Şanxaydan Krasnoyarsk və Moskvadan keçid etməklə Sankt-Peterburqun Pulkovo aeroportuna gəlib.

Onun səhhəti barədə dəqiq məlumat verilmir. Ancaq telegram-kanalın məlumatına görə, uçuş zamanı onun temperaturu birdən-birə 38 dərəcəyə yüksəlib.

Müdafiə kostyumunda olan həkimlər onu xüsusi hermetik “günbəzli” yataqda aparıblar.

“Baza” telegram-kanalı bununla bağlı görüntüləri paylaşıb.

Kişinin olduğu aeroport isə xüsusi xlor tərkibli məhlulla təmizlənib.

Klinikaya yerləşdirilən digər sərnişin isə Çin vətəndaşıdır.

Hər iki şəxsdə eyni simptomlar müşahidə edilib.