Bu gündən uşaqlar üçün dövriyyəsi qadağan edilən informasiya məhsullarının təhsil müəssisələri yaxınlığında yayılması qadağan edilir.

DiasporPress.az xəbər verir ki, bu barədə əlumat “Təhsil haqqında” Qanuna edilən dəyişiklikdə qeyd olunub.

Qanuna edilən dəyişikliklərə əsasən, bu gündən uşaqlar arasında dövriyyəsi qadağan edilən informasiya məhsulunun uşaqlar üçün nəzərdə tutulmuş təhsil müəssisələrində və ya həmin müəssisələrin sərhədindən yüz əlli metrdən az olan məsafədə yayılmasına yol verilməyəcək.

Bundan başqa “Məktəbəqədər təhsil haqqında” Qanuna edilən əlavəyə əsasən, bu gündən məktəbəqədər təhsil müəssisələrində uşaqların təlimi üçün nəzərdə tutulan informasiya məhsullarının məzmunu və bədii tərtibatı altı yaşadək uşaqlar üçün nəzərdə tutulan informasiya məhsullarının məzmununa və bədii tərtibatına uyğun olmalıdır.

DiasporPress.az