“Azərbaycan Prezidenti İlham Əliyevlə görüş çox səmərəli və müsbət keçdi”.

DiasporPress.az xəbər verir ki, bunu jurnalistlərə açıqlamasında Böyük Britaniya Baş nazirinin Azərbaycan üzrə ticarət elçisi baronessa Emma Nikolson deyib.

Azərbaycan Prezidentinin dəfələrlə Londona səfər etdiyini xatırladan E.Nikolson dövlət başçısının yenidən Londona gedəcəyinə və onunla növbəti dəfə görüş keçirəcəyinə ümid etdiyini bildirib.

“Onu yenidən qəbul etmək bizim üçün böyük şərəf olardı. Əlbətdə, bu səfərlər Azərbaycanla Böyük Britaniya arasındakı əlaqələri daha da möhkəmləndirir və yaxınlaşdırır. Bu da bizim əsas məqsədimizdir”, – ticarət elçisi deyib.

 

DiasporPress.az