Mədət Quliyev tanınmış jurnalisti yüksək vəzifəyə təyin etdi
02 Avqust, 13:38   |    Baxış sayı: 75

Mədət Quliyev tanınmış jurnalisti yüksək vəzifəyə təyin etdi

Müdafiə Sənayesi Nazirliyinin İnformasiya Texnologiyaları Şöbəsinin müdiri vəzifəsinə təyinat olub.

Diasporpress.az-ın məlumatına görə, Müdafiə Sənayesi naziri Mədət Quliyevin əmri ilə bu vəzifəyə tanınmış jurnalist Yaşar İsakov təyin edilib.

Y. İsakov bu təyinata qədər müxtəlif vəzifələrdə çalışıb.

O, müxtəlif qəzet və saytlarda işləyib, o cümlədən "Press24.az” saytının, "Birja plyus”, "Yejenedelnik” qəzetlərinin, "Bona Mente” jurnalının, "News24.az” saytının baş redaktoru olub.

Bundan başqa, Y. İsakov Ədliyyə Nazirliyi Penitensiar Xidmətinin İctimaiyyətlə Əlaqələr Şöbəsinin rəisi, Bakı Beynəlxalq Avtovağzalının mətbuat xidmətinin rəhbəri, Dövlət Təhlükəsizliyi Xidmətinin (DTX) İctimai əlaqələr şöbəsinin rəis müavini vəzifələrində çalışıb.
 
Diasporpress.az