Kəlbəcər rayonundan olan məcburi köçkünlərə bayram sovqatı paylanıldı
14 Avqust, 11:47   |    Baxış sayı: 25

Kəlbəcər rayonundan olan məcburi köçkünlərə bayram sovqatı paylanıldı

Qurban bayramı münasibətilə "Azərbaycan Dəmir Yolları" QSC-nin sədri, millət vəkili Cavid Qurbanovun tapşırığına əsasən Kəlbəcər rayonundan olan məcburi köçkünlərin Bakı şəhərində məskunlaşan bir qrupu ilə görüş keçirilib. 
 
Diasporpress.az xəbər verir ki, görüşdə ziyalılar, ağsaqqallar, aztəminatlı ailələr və şəhid ailələri iştirak edib.

Tədbirdə çıxış edən Həbib Misirov öncə tədbir iştirakçılarını millət vəkili Cavid Qurbanovun müqəddəs Qurban bayramı münasibətilə təbrikini catdırıb və bildirib ki, məcburi köçkünlərə olan dövlət qayğısı bu gün də ən yüksək səviyyədə həyata keçirilməkdədir.Ermənistanın Azərbaycana qarşı hərbi təcavüzü nərticəsində öz doğma torpaqlarından didərgin düşən məcburi köçkünlərin həyat şəraitinin yaxşılaşdırılması daim dövlətimizin diqqətindədir. Qaçqın və məcburi köçkünlərin sosial ehtiyaclarının ödənilməsi məqsədilə ümummilli lider Heydər Əliyevin sərəncamı əsasında "Qaçqın və məcburi köçkünlərin problemlərinin həlli üzrə Dövlət Proqramı” təsdiq edildi. Prezident İlham Əliyev həmin siyasəti uğurla davam etdirir. Qaçqın və məcburi köçkünlərin həyat şəraitinin yaxşılaşdırılması istiqamətində görülən işlər nəticəsində bu günə qədər onlarla  müasir tipli qəsəbə, o cümlədən Bakıda və ölkənin müxtəlif regionlarında çoxmərtəbəli yaşayış evləri tikilərək istifadəyə verilibdir. Kəlbəcərlilər onlara göstərilən diqqət və qayğıya görə dövlət başçısına öz minnətdarlıqlarını bildirdilər. 

Qeyd edək ki, Qurban bayramı münasibətilə keçirilmiş görüşdə 600-dən çox aztəminatlı ailəyə bayram sovqatı paylanılıb.

Diasporpress.az