Gürcüstanda tarixi qüllələrin bərpası tələbi ilə aksiya keçirilib
12 Avqust, 17:00   |    Baxış sayı: 24

Gürcüstanda tarixi qüllələrin bərpası tələbi ilə aksiya keçirilib

Gürcüstanın Svaneti yüksək dağlıq bölgəsində Uşquli svan icmasına məxsus qüllələrin bərpa olunması tələbi ilə aksiya keçirilib.

Diasporpress.az xəbər verir ki, yerli sakinlər qüllələrin böyük əksəriyyətinin qəzalı vəziyyətdə olduğunu bildiriblər.

Aksiyaçılar hökuməti tarixi abidələri tezliklə bərpa etməyə çağırıblar.

Qeyd edək ki, Uşquli icmasına məxsus qüllələrdən birinin yuxarı hissəsi ötən ayın sonunda uçub. Gürcüstanın Mədəni İrsin Qorunması üzrə Milli Agentliyindən bildirilib ki, abidənin təcili bərpa olunması üçün elektron tender elan olunacaq və əsas işlər bu ilin sonuna qədər yekunlaşdırılacaq. Svaneti bölgəsində, ümumilikdə, 170 qüllə var. (report.az)

Diasporpress.az